Көшпенділер ойындарының ашылуы қалай өтті (фото)

Бішкектің жаңа аренасында ондаған мың көрермен мен әлем көшбасшыларының басын қосқан VI Дүниежүзілік көшпенділер ойындарының салтанатты ашылу рәсімі өтті. Ресми шараға БҰҰ Бас хатшысы Антониу Гутерриш, Қазақстан Президенті Қасым-Жомарт Тоқаев, Ресей Президенті Владимир Путин, Түркия Президенті Реджеп Тайип Ердоған, Әзербайжан Президенті Ильхам Әлиев, Өзбекстан Президенті Шавкат Мирзиёев, сондай-ақ Үндістан Премьер-министрі Нарендра Моди қатысты.

Көрермендер назарына көшпелі өркениеттердің көпғасырлық тарихы мен салт-дәстүрін паш ететін, «Манас» жыры, 3D форматтағы барыс пен бүркіт бейнеленген театрландырылған шоу ұсынылды.

View on Threads

Қазақстандық спортшылардың қатысу

Турнирге Қазақстан атынан 150-ден астам спортшы қатысып жатыр. Олар жарыс бағдарламасындағы барлық 43 пән бойынша, оның ішінде дәстүрлі ұлттық спорт түрлерінен бақ сынайды.

Өткен Көшпенділер ойындарында Қазақстан құрамасы жалпы командалық есепте көш бастап, тарихи жеңіске жеткен болатын. Биыл да қазақстандық балуандар, шабандоздар мен этноспорт шеберлері спорт нысандарында медальдар үшін табанды күрес жүргізуге сақадай сай.

2026 жылғы Дүниежүзілік көшпенділер ойындары 31 тамыз бен 6 қыркүйек аралығында Қырғыз Республикасының Ыстықкөл облысы аумағында өтеді.