Жаңалықтар

Футболдағы ең беделді «Алтын доп» жүлдесінің үміткерлері жарияланды

Жарияланды
Рауан Мутаир
Рауан Мутаир
General news бөлімінің журналисі
фото: UEFA.com

Әлемдік футболдағы ең беделді жеке марапат – «Алтын доп» (Ballon d’Or) жүлдесінің 2026 жылғы үміткерлер тізімі ресми түрде белгілі болды. Биылғы салтанатты шара тарихта алғаш рет 26 қазанда Ұлыбритания астанасы Лондон қаласындағы «Паладиум» театрында өтеді.

1956 жылы France Football журналы негізін қалаған «Алтын доп» марапаты биыл өзінің 70 жылдық мерейтойын атап өтуде. 2024 жылдан бері марапаттау рәсімін France Football мен УЕФА ұйымы бірлесе өткізіп келеді.

Марапаттау номинациялары

2026 жылы жүлделер төмендегі бағыттар бойынша сарапқа салынады:

  • Ерлер мен әйелдер арасындағы «Алтын доп»;
  • Жылдың үздік жас футболшысы (ерлер мен әйелдер);
  • Жылдың үздік қақпашысы (ерлер мен әйелдер);
  • Жылдың үздік бапкері (ерлер мен әйелдер);
  • Жылдың үздік клубы (ерлер мен әйелдер);
  • Жылдың үздік шабуылшысы (ерлер мен әйелдер);
  • Спортшылардың әлеуметтік және қайырымдылық бастамалары үшін берілетін Сократес сыйлығы.

Еркектер арасында «Алтын допқа» негізгі үміткерлер

Ерлер арасындағы басты жүлдеге 30 футболшы енді.

  • «Реал Мадрид»: Джуд Беллингем, Винисиус Жуниор, Килиан Мбаппе;
  • «Пари Сен-Жермен»: Витинья, Усман Дембеле, Хвича Кварацхелия, Маркиньос, Нуну Мендеш, Жоау Невеш, Виллиан Пачо, Фабиан Руис, Дайо Упамекано, Ашраф Хакими;
  • «Барселона»: Пау Кубарси, Ламин Ямаль;
  • «Арсенал»: Габриэл, Деклан Райс, Вильям Салиба;
  • «Бавария»: Гарри Кейн, Луис Диас, Майкл Олисе;
  • «Манчестер Сити»: Эрлинг Холанн, Родри;
  • «Интер Майами»: Лионель Месси;
  • Сондай-ақ: Лаутаро Мартинес («Интер»), Бруну Фернандеш («Манчестер Юнайтед»), Садьо Мане («Аль-Наср»), Хулиан Киньонес («Аль-Кадсия»), Марк Кукурелья («Челси»/«Реал»), Ферран Торрес («Барселона»/«ПСЖ»).

Басқа басты номинациялардағы үміткерлер

Жылдың үздік жас футболшысы (ерлер):

Ламин Ямаль («Барселона»), Пау Кубарси («Барселона»), Уоррен Заир-Эмери («ПСЖ»), Ян Дьоманде («Лейпциг»/«Реал»), Керим Алайбегович («Зальцбург»/«Ювентус»), Айюб Буадди («Лилль»/«Ман Сити»), Леннарт Карль («Бавария»), Эли Жюньор Крупи («Борнмут»), Ибрахим Маза («Леверкузен»), Жоан Манзамби («Фрайбург»/«Астон Вилла»).

Жылдың үздік қақпашысы (ерлер):

Тибо Куртуа («Реал»), Эмилиано Мартинес («Астон Вилла»/«Челси»), Давид Райя («Арсенал»), Яссин Буну («Аль-Хиляль»), Жоан Гарсия («Барселона»), Грегор Кобель («Боруссия Д»), Эдуар Менди («Аль-Ахли»), Матвей Сафонов («ПСЖ»), Унай Симон («Атлетик»), Возинья («Шавеш»/«Коло-Коло»).

Жылдың үздік бапкері (ерлер):

Микель Артета («Арсенал»), Луис де ла Фуэнте (Испания құрамасы), Луис Энрике («ПСЖ»), Унай Эмери («Астон Вилла»), Венсан Компани («Бавария»).

Жылдың үздік ерлер клубы:

«Арсенал» (Англия), «Бавария» (Германия), «Пари Сен-Жермен» (Франция), «Буде-Глимт» (Норвегия), «Фламенго» (Бразилия).

Еске сала кетейік, 2025 жылы «Алтын допты» франциялық ойыншы Усман Дембеле алған еді.

Сондай-ақ оқыңыз