Санжар Боқаев ісі сотқа түсті

Қоғам белсендісі әрі блогер Санжар Бокаевқа қатысты қылмыстық іс Алматының Алмалы аудандық қылмыстық істер жөніндегі сотына түсті. Бұл туралы Боқаевтың адвокаты Радмир Өтепов мәлімдеді деп хабарлайды Kursiv Media.

«Бүгін қорғауымыздағы азамат Боқаев Санжар Омарұлына қатысты іс Алмалы аудандық қылмыстық істер жөніндегі сотқа түсті. Алғашқы сот отырысының қашан өтетіні әзірге белгісіз. Жаңалық болған кезде хабарлап отырамыз», – деді адвокат.

Еске салайық, Боқаевты 18 наурызда ұстаған. Кейін оны екі айға қамағаны белгілі болды. Тергеу мәліметтері бойынша, ол алаяқтық жасады, сондай-ақ заңсыз ағаш кесу үшін адамдарға ақша төлеп, кейін сол заңсыздықтар туралы контент түсірді деген күдікке ілінген. Мамырда оның қамау мерзімін тағы бір айға ұзартты.