Алматыда ит-мысықтар қызыл кілеммен жүріп, костюмдер байқауына қатысты (фото)

Алматыда FORUM сауда орталығының автотұрағында алтыншы Pet Fest үй жануарлары фестивалі өтті, деп хабарлайды Kursiv.media.

Оған  5 мыңнан астам қонақ келген. Келушілердің көбі иттерімен келсе де, шараға мысықтар, күзендер, теңіз шошқалары мен тотықұстар да қатысты.

100-ден астам иесі мен үй жануары қатысқан ерекше костюмдер байқауы және қызыл кілем шеруі болды.

Қонақтар аджилити және фрисби бойынша шеберлік сабақтарына қатысып, ветеринар дәрісін тыңдады. Ал Acoustic Jam Band жанды музыкамен мерекелік көңіл күй сыйлады.

Фестиваль аясында тұрғындар қараусыз қалған төрт аяқтыларға көмек көрсетіп, қажетті заттарды тапсырды.

Ұйымдастырушылар Alpha Dog кинологиялық агенттігінің айтуынша, биыл 22 серіктес пен қатысушы басын қосқан бұл шара жануарларды сүйетін қала тұрғындарының басын біріктіретін маңызды әлеуметтік алаңға айналған.

Айта кететін жайт, Алматыда ит пен мысыққа арналған қонақүй, такси қызметі қалай жұмыс істейді.