Қазақстандық миллиардер Голландиядағы компаниясынан 27,6 миллион доллар алды

Нидерландта тіркелген Kazakhmys Holding Group B.V. компаниясы аралық дивидендтер төленетінін мәлімдеді, деп хабарлайды Kursiv.media.

Тиісті ақпарат AIX сайтында жарияланды. Kazakhmys Holding Group B.V. жалғыз акционеріне 27,6 миллион доллар төлеген. Қаражат 18 қыркүйекте аударылған.

Компанияның иесі – 5,9 миллиард доллар байлыққа ие (Forbes бойынша) миллиардер Владимир Ким. Компания Bank RBK-мен үшінші тұлға арқылы бірлескен меншік қатынасына кіретін аффилирленген тұлғалар тізімінде.

Нидерландыдағы компанияның еншілес кәсіпорындары – Minerals Project (қызметі: мыс кенін өндіру және байыту) және Көксай Холдинг. Соңғысы Абай облысындағы Айдарлы кенішін игерумен байланысты.

Ақпан айының соңында Kazakhmys Holding Group B.V. AIX биржасында 2030 жылы өтелетін жалпы сомасы 220 миллион долларлық облигациялар орналастырылатынын жариялаған болатын.