Air Astana қаза тапқан және аман қалған сарбаздардың жақындарына тегін билет береді
Air Astana мен FlyArystan әуекомпаниялары Маңғыстаудағы қайғылы оқиға кезінде қаза тапқан және аман қалған сарбаздардың жақындарына 3 қазанға дейін тегін әуебилеттер ұсынды, деп хабарлайды Kursiv.Media.
«Air Astana компаниясы Каспий теңізіндегі оқу-жаттығу кезінде қаза тапқан және аман қалған әскери қызметшілердің жақын туыстарына, сондай-ақ аман қалған әскерилердің өзіне тегін әуебилеттерін ұсынады. Билеттер 2026 жылдың 25 қыркүйегі мен 3 қазаны аралығында орындалатын кез келген ішкі рейстеріне беріледі», – деп хабарлады әуекомпаниялардың баспасөз қызметі.
Жақын туыстар қатарына ата-аналар, жұбайлары, балалары, сондай-ақ туған бауырлары мен әпке-сіңлілері жатады. Билетті брондау кезінде туыстықты растайтын құжаттарды ұсыну қажет.
Еске сала кетейік, қайғылы оқиға 24 қыркүйекте Әскери-теңіз күштерінің Каспий теңізіндегі оқу-жауынгерлік тапсырмаларын орындау кезінде болды. Кенеттен көтерілген дауыл мен қатты желдің салдарынан 17 әскери қызметшіні теңіздің ағысы алып кетті.
Бүгінде 14 жас әскерилердің қазасына қатысы бар деген күдіктілер ұсталды. Олар Қазақстан Республикасы Қарулы Күштерінің жоғары және аға қолбасшылық құрамының жауапты лауазымды тұлғалары.
