Алматы тауларында Оңтүстік Корея азаматы әлі де іздестірілуде

Алматы тауларында жоғалып кеткен Оңтүстік Корея азаматын іздеу жұмыстары жалғасып жатыр. Талғар асуы маңындағы аумақта құтқарушылардың күші арттырылды, деп хабарлайды Kursiv.Media.

Төтенше жағдайлар министрлігі ақпаратына сүйенсек, іздеу жұмыстарына қазір 10 техника және сегіз кинологиялық есеп жұмылдырылған. Бұған дейін сегіз техника мен үш кинологиялық есеп жұмыс істеген.

Медеу ауданындағы іздеу-құтқару операциясына ТЖМ, полиция қызметкерлері мен еріктілерден құралған шамамен 130 адам қатысуда. Сонымен қатар 11 дрон мен ТЖМ авиациясы пайдаланылуда.

Құтқарушыларға таулы жер бедері, іздеу аумағының кеңдігі және биіктіктің айтарлықтай айырмашылығы қиындық туғызып отыр. Мамандар шатқалдар мен тау беткейлерін қоса алғанда, жетуі қиын учаскелерді тексеріп жатыр.

Іздеу жұмыстары тәулік бойы жүргізіліп, Төтенше жағдайлар министрлігінің бақылауында.

Еске салайық, 28 қыркүйекте 1953 жылы туған ер адам топпен бірге «Шымбұлақ» аспалы жолы арқылы тауға шыққан. Кейін қаланың өз бетімен түсуге шешім қабылдаған. Алайда қонақүйге оралмаған. Оның жоғалғаны туралы хабар 29 қыркүйекте 112 қызметіне түскен.