Күнде жаңа жарылыс болып, плазма бұлты Жерге қарай бағыт алды

Кеше кешке басталған Күндегі белсенділік арта түскен, ол әлі де қарқын алып келеді, деп хабарлайды Kursiv.media.           

XRAS ақпаратына қарағанда, соңғы 3 сағатта Күнде M1.9 және M1.4 деңгейіндегі тағы екі күшті жарқыл болған.

«Олар 2026 жылдың күзіндегі барлық оқиғалардың ішінде қуаты жағынан тиісінше екінші және үшінші орынға шықты. Әзірге бірінші орында бір айдан астам уақыт бұрын, 2 қыркүйекте болған M3.0 деңгейіндегі жарқыл тұр», – делінген ақпаратта.

Екі жарқылға қатысты да ғарышта жұмыс істеп тұрған телескоптар оқиғалардың суреттерін Жерге жіберді. Оларға қарағанда, жарылыстар кезінде ғарышқа кемінде екі плазма бұлты лақтырылған. Олардың көлемі – едәуір үлкен. Олар Жерге қарай қозғалып жатыр. Оларды қоса берілген видеодан жарылыс орталығынан жан-жаққа ұшып жатқан қара талшықтар түрінде көруге болады.

Алдағы бір-екі сағат ішінде бұлттардың қозғалыс бағыты нақтыланады. Осыдан кейін олардың Жерге қандай қауіп төндіретіні белгілі болады.

3 маусымда Күннің шамадан тыс жарқырауынан Жерде магнит дауылдар күтілген еді.