2027 жылы Үкімет өңірлерге 6,4 трлн теңге бөлмек: қай облыс көп қаржы алады
2027 жылға арналған республикалық бюджет жоспары бойынша бірқатар өңірге бюджет субвенциялары бөлінеді. Ең көп қаржы Түркістан облысына қарастырылған — 1,25 трлн теңге, ал ең төмен сома Павлодар облысына тиесілі.
Қазақстанның 17 өңіріне жалпы 6,36 трлн теңге бөлу қарастырылған. Қаражат көлемі өңірлер арасында айтарлықтай ерекшеленеді: ең көп қаржы Түркістан облысына тиесілі болса, ең төмен көрсеткіш Павлодар облысында.
Өңірлерге бөлінетін қаражат
Өңірлер ең көп қаржы бөлінгеннен ең аз көрсеткішке қарай орналастырылды
Түркістан облысына 1,2 трлн теңгеден астам қаржы бөлінеді
Тізімде Түркістан облысы айқын алда тұр. Өңірге 1,248 трлн теңге қарастырылған. Бұл аталған 17 өңірге бөлінетін жалпы қаражаттың шамамен 19,6%-ына тең.
Екінші орында Жамбыл облысы – 607,5 млрд теңге. Одан кейін Қызылорда облысына 546,9 млрд теңге бөлінеді.
Солтүстік Қазақстан облысына 432,9 млрд теңге, Қостанай облысына 423,8 млрд теңге, Абай облысына 421,1 млрд теңге, ал Қарағанды облысына 419,9 млрд теңге қарастырылған.
Жетісу облысына бөлінетін қаражат көлемі 403,6 млрд теңгені, Ақмола облысына – 390,9 млрд теңгені құрайды.
Шымкентке 324 млрд теңгеден астам қаржы қарастырылған
Шымкент қаласына 324,4 млрд теңге бөлінеді. Шығыс Қазақстан облысына – 306,9 млрд теңге, Ақтөбе облысына – 291,2 млрд теңге, Батыс Қазақстан облысына – 283,2 млрд теңге қарастырылған.
Алматы облысына бөлінетін сома салыстырмалы түрде төмен – 106 млрд теңге.
Тізімнің соңында Маңғыстау, Ұлытау және Павлодар облыстары тұр. Маңғыстау облысына 78,6 млрд теңге, Ұлытау облысына 68,5 млрд теңге бөлінеді. Ең аз қаражат Павлодар облысына тиесілі – 4,4 млрд теңге.
Осылайша, ең жоғары және ең төмен көрсеткіштің арасында өте үлкен айырмашылық бар: Түркістан облысына қарастырылған сома Павлодар облысының көрсеткішінен бірнеше жүз есе көп.
