Жапонияның танымал жазушысы Рю Мураками дүниеден өтті

Жапонияның белгілі жазушысы Рю (Рюноскэ) Мураками өмірден өтті. 40-тан астам романның авторы атанған қаламгердің қазасы туралы Gentosha баспа үйі хабарлады, деп жазады Kursiv.Media.

Баспа үйінің мәліметінше, жазушы 2026 жылдың 17 қазанында дүние салған. Қоштасу рәсімі оның жақындары мен отбасының қатысуымен өткен. Марқұмның туыстары олардың жеке өміріне құрметпен қарауды, гүлдер, ақшалай қайырымдылық пен көңіл айту хаттарын жібермеуді, сонымен бірге БАҚ өкілдерінен сұхбат алып мазаламауды сұраған.

Рю Мураками 1952 жылы Нагасакиде дүниеге келген. Оның 1976 жылы жарық көрген «Шексіз мөлдір көк» атты дебюттік романы Акутагава атындағы беделді әдеби сыйлықты жеңіп алды. Көп ұзамай бұл шығарма 3,5 миллион дана тиражпен тарап, әдеби феноменге айналды.

Жазушының ең танымал туындыларының қатарында «Жүк ұяшығына тасталған балалар», «Мисо-сорпа» және «Шексіз мөлдір көк» бар.

Рю Мураками өзін режиссурада да сынап көрген. Жасөспірімдерге арнап «13 жастағыларға арналған Халоуорк» кәсіби бағдар беру нұсқаулығын жазды.

Сонымен қатар ол 20 жыл бойы «Камбрий сарайы» атты экономикалық телебағдарламаны жүргізіп, қоғамдық өмірге белсене қатысты.