Қызылорда-Астана рейсінде ұшақ құстармен соқтығысты

4 қараша күні Vietjet Air компаниясының Қызылордадан Астанаға бағыт алған IQ426 рейсін орындау кезінде UP-DH003 ұшағы құстармен соқтығысты, деп хабарлайды Kursiv.Media.

Әуе компаниясының ақпаратына сүйенсек, осыған байланысты ұшаққа қосымша техникалық тексеру жүргізу қажеттілігі туындап, авиакомпания ұшу кестесіне өзгерістер енгізді. Бұл бірқатар бағыттар бойынша рейстердің кешігуіне әкеп соқты.

Тасымалдаушы компанияның баспасөз қызметі жолаушылар мен экипаж мүшелерінің қауіпсіздігі басты басымдық екенін хабарлады. Қазіргі уақытта барлық техникалық шаралар авиациялық қауіпсіздік талаптарына сай жүргізіліп жатыр.

Авиакомпания рейстерді тезірек қалпына келтіру үшін шаралар қабылдауда және жолаушыларға ұшу мәртебесін ресми арналар арқылы қадағалауды ұсынады.

Айта кетейік, осыған дейін Vietjet Air лоукостері вьетнамдық SOVICO Group холдингінің құрамына кіреді. Бұл холдинг 2024 жылы «Самұрық -Қазына» қорынан қарызға батқан Qazaq Air компаниясын сатып алды.