Қасым-Жомарт Тоқаев Әзербайжан президентін Жеңіс күнімен құттықтады
Жарияланды
Президент Қасым-Жомарт Тоқаев Әзербайжан Президенті Ильхам Әлиевке Жеңіс күніне орай құттықтау жеделхатын жолдады, деп хабарлайды Kursiv.Media Ақорданың баспасөз қызметіне сілтеме жасап.
Президент айтулы күннің Әзербайжанның мемлекеттілік тарихында ерекше мәнге ие екеніне тоқталып, өңір елдерінің мүддесіне сай Оңтүстік Кавказда ұзақмерзімді бейбітшілік пен тұрақтылықты нығайтудағы маңызын атап өтті.
Мемлекет басшысы қазақ-әзербайжан стратегиялық серіктестігі мен одақтастығының деңгейін жоғары бағалап, екіжақты ынтымақтастық қос халықтың игілігі жолында одан әрі нығая беретініне сенім білдірді.
Оқи отырыңыз: Қазақстан мен Әзербайжан Каспий арқылы өтетін цифрлық дәлізді іске қосты
