9 қарашада елдің басым бөлігінде қар аралас жаңбыр жауады

«Қазгидромет» РМК 9 қарашаға арналған ауа райы болжамын жариялады, деп хабарлайды Kursiv.Media.

Дүйсенбі күні «Қазгидрометтің» болжамы бойынша, Қазақстанның басым бөлігінде қар аралас жаңбыр жауады. Солтүстік, оңтүстік және орталық өңірлерде көп мөлшерде жауын-шашын болжанды.

Елдің оңтүстік-шығысында жауын-шашынсыз ауа райы сақталады. Республика бойынша желдің күшеюі, түнде және таңертең тұман күтіледі. Батыста және солтүстікте көктайғақ болжанады.

Атырау облысының солтүстік-батысында, Алматы облысының батысында, оңтүстігінде және шығысында, Жетісу облысының оңтүстігі мен орталығында, Қызылорда облысының солтүстігінде, Жамбыл облысының солтүстігінде, оңтүстігінде және шығысында, Қостанай облысының оңтүстік-батысында, Түркістан облысының солтүстігі мен оңтүстігінде, сондай-ақ Абай облысының оңтүстігінде жоғары өрт қаупі күтіледі.

Қызылорда облысында, Ақтөбе облысының оңтүстігі мен шығысында, Түркістан облысының батысында, сондай-ақ Жетісу облысының шығысында төтенше өрт қаупі болжанады.

Бұған дейін синоптиктер 8 қарашада елдің алты қаласында ауа сапасы нашарлайтынын хабарлаған еді.