Дзюдошы Ғалия Тынбаева Хорватиядағы Гран-при турнирінің күміс жүлдегері атанды

Қазақстандық дзюдошы Ғалия Тынбаева Хорватияның Загреб қаласында өткен Гран-при сериясындағы беделді турнирде күміс медаль жеңіп алды, деп хабарлайды Kursiv.Media.

48 келіге дейінгі салмақ дәрежесінде сынға түскен отандасымыз финалда 2026 жылғы әлем чемпионатының күміс жүлдегері, италиялық Ассунта Скуттомен белдесті. Тартысты өткен ақтық сында Италия спортшысы басым түсті.

Айта кетейік, Ғалия Тынбаева финалға дейін төрт кездесу өткізіп, барлығында жеңіске жетті. Атап айтқанда, ол іріктеу кезеңдерінде Азия Аванзатоны (Италия), Ева Перес Солерді (Испания), Наташа Феррейраны (Бразилия) және Жаклин Шпрингерді (Австрия) жарыс жолынан шығарды.

Осылайша, қазақстандық балуан Загреб татамиіндегі өнерін күміс жүлдемен қорытындылады.

Айта кетейік, бұл – Халықаралық дзюдо федерациясы жариялаған алдын ала құрам. Турнир басталғанға дейін қатысушылар тізіміне өзгерістер енгізілуі мүмкін.

Загребтегі «Үлкен дулыға» турнирі 13–15 қараша күндері өтеді.