Нұр-Сұлтанда азық-түлік қоры жеткілікті

19 позициядағы әлеуметтік маңызы бар азық-түлік 30 мың тонна көлемінде бар, оның 25 мың тоннасы қоймалар мен көкөніс қоймаларында сақталған, қалған 5 мың тоннасы қаланың тұрақтандыру қорына түскен. Бұл туралы Нұр-Сұлтан қаласының инвестициялар және кәсіпкерлікті дамыту басқармасының басшысы Ерлан Бекмырзаев хабарлады. 

Қала резервтерін толтыру бойынша бірқатар шаралар қабылдануда:

1. Өңірлермен жеміс-көкөніс тобына, ет және азық-түлік өнімдеріне белгіленген бағамен «форвардтық келісімшарттардың» жасалуы. 

2. «Айналым тізбесі» бойынша күріш, қарақұмық және көкөніс тобына белгіленген бағамен сатылатын шартымен ірі бөлшек сауда желілерімен жеңілдетілген несие туралы келісімдерге қол қойылды. 

Жергілікті бюджеттен қосымша 1,5 млрд.теңге бөлінген. 

Азық-түлік тауарларына бағаны реттеу мақсатында Үкімет 9 тауарға баға белгілерін қойды.