Иран ОПЕК + келіссөздерінің басталмай тұрып сәтсіздікке ұшырайтының ескерткен
9 сәуірде вебинар форматында өтетін мұнай өндірісін қысқарту туралы ОПЕК + елінің келіссөздері нәтижесіз болуы мүмкін. Өйткені ОПЕК мүшелері келісім шарттарын әлі келіскен жоқ.
Мұндай пікірді Иранның мұнай министрі Бижан Намдар Зангане ОПЕК конференциясының төрағасы, Алжир мұнай министрі Мұхаммед Аркабқа жазған хатында білдірді. Хаттың көшірмесін ОПЕК хатшылығы растады.
Мұнай өндірісін қысқарту туралы ОПЕК + келісімі наурыздың соңында аяқталды. Ресей мен Сауд Арабиясы арасындағы келісімді жалғастырудың шарттарын ұзарту мүмкін болмады. Осыдан кейін ОПЕК елдері мұнай өндіруді ұлғайта бастады. Сонымен қатар, коронавирустық пандемияға байланысты әлемдік мұнайға сұраныс күрт төмендеді. Нәтижесінде мұнай 20 жыл ішінде алғаш рет барреліне 22 долларға дейін құлдырады.
Осыдан кейін ОПЕК + елдері төтенше жиналыс өткізуге шешім қабылдады. Онда мұнай өндіруді қысқарту туралы талқыланады. Бастапқыда ол 6 сәуірде өтеді деп хабарланған болатын. Бірақ кейін ол 9 сәуірге ауыстырылды. 10 сәуірде G20 энергетика министрлерінің шұғыл жиналысы өтеді.
