Нұр-Сұлтанда жыл басынан бері 9 189 адам жұмысқа орналасты

Нұр-Сұлтан қаласы әкімдігінің Халықты жұмыспен қамту орталығы 2021 жыл басынан бері  астаналық 15 350 азаматты қабылдады. Барлығы 9 189 адам жұмысқа орналастырылды. Оның ішінде электронды еңбек биржасы арқылы – 2 978 адам, ал 5 347 адам тұрақты жұмыс тапты, деп хабарлайды елорда әкімдігінің ресми сайты.  

«Еңбек» мемлекеттік бағдарламасы аясында қоғамдық жұмыстарға – 2 620 , әлеуметтік жұмыс орындарына -179, жастар практикасына – 789 адам жұмысқа жіберілді.

Жұмыспен қамтудың жол картасы шеңберінде – 254 адам жұмысқа орналастырылды. Жалпы, Жұмыспен қамтудың жол картасы аясында Нұр-Сұлтан қаласы бойынша биыл 500-ден астам жұмыс орны құрылды. Жоспар бойынша 483 жұмыс орнын құру көзделген болатын, бүгінгі таңда -503 адам жұмысқа орналастырылды. 291 тұрақты жұмыс орны құрылды.

Халықты жұмыспен қамту орталығы барлық санаттағы азаматтардың жұмысқа орналасуына жәрдемдеседі. Нұр-Сұлтан қаласындағы орталыққа күн сайын әртүрлі жастағы жұмыссыз азаматар, пробация қызметінде есепте тұрғандардар мен мүмкіндігі шектеулі жандар жүгінеді.

Жыл басынан бері пробация қызметіндегі – 47, мүгедектігі бар – 574 адам жұмысқа орналастырылды.

Халықты жұмыспен қамту орталығы бүгінгі еңбек нарығында талап етілетін мамандықтар бойынша жұмыссыз азаматтарға арналған курстарға жібереді.

Биыл Жұмыспен қамту орталығы арқылы 213 адам кәсіптік білім беру курстарын оқыды. Арнайы курстар аспаз, кондитер, тігінші, шаштараз, кассир-бақылаушы, наубайшы, тәрбиеші-көмекші мамандықтары бойынша ұйымдастырылды.
2021 жылы Нұр-Сұлтан қаласы бойынша жаңа бизнес идеяларды іске асыру үшін 414 бизнес идеяға грант бөлінді. Әзірге 401 грант қаржыландырылды. Грант алғандар қатарында халықтың әлеуметтік осал топ өкілдері де бар. Олар: көп балалы және аз қамтылған отбасы мүшелері, мүмкіндігі шектеулі азаматтар мен АӘК алушылар, 29 жасқа дейінгі жастар санатындағы азаматтар.