Алматы қалалық қоғамдық денсаулық сақтау басқармасының бастығы Тілеухан Әбілдаев ұшақ апатынан зардап шеккендердің жағдайы туралы айтып берді деп хабарлайды Kursiv.kz тілшісі.
Оның айтуынша, қазіргі кезде қаза тапқандардың саны 15-ке жеткен (бұған дейін 14 адамның қайтыс болған хабарланған еді).
Ауруханаға 66 адам жеткізілген. Олардың алтауының жағдайы өте ауыр.
Зардап шеккендердің арасында 8 бала бар, бәрі есін біледі, алған жарақаттары өмірлеріне қауіп төндіріп тұрған жоқ.
Еске сала кетейік, 27 желтоқсан күні таңертең Bek Air әуе компаниясының Алматыдан Нұр-Сұлтан қаласына бағыт алған ұшағы Алматы маңында апатқа ұшырады. Таңғы 07:22 кезінде № Z2100 рейсті ұшақ көтерілу биіктігін жоғалтып, бетон қоршауды бұзып, екі қабатты үймен соқтығысқан. Ұшақ бортында 95 жолаушы мен 5 экипаж мүшесі болған.
