«Алматы облысында (Қазақстанның оңтүстік-шығысы) магнитудасы 4,0 баллдық жер сілкінісі болды», деп хабарлайды БҒМ Ғылым комитетінің Сейсмология тәжірибе-әдістемелік экспедициясына сілтеме жасаған «Интерфакс-Қазақстан» агенттігі .
Жергілікті уақыт бойынша, дүйсенбі күні кешкі сағат 22:58-де болған жер сілкінісінің эпицентрі Алматы қаласынан солтүстік-шығыс бағытта 227 шақырым жерде орналасқан.
Жер сілкінісінің энергетикалық санаты (жер сілкінісі кезінде босаған сейсмикалық толқындардың энергиясы, әлсіз немесе орташа сілкіністерді бағалау үшін жиі пайдаланылады) 8,7-ні құрады.
Эпицентр координаттары: солтүстік ендікпен – 44.72 градус, шығыс бойлықпен –78.80 градус.
Сеймологтардың ақпараты бойынша, 2 баллдық жер сілкінісі Алматы облысының Текелі қаласында болған.
