Қазгидрометті алғаш мәрте әйел басқарады

1922 жылы құрылған Қазақстан Республикасының Гидрометеорологиялық қызметінің тарихында алғаш рет әйел басшы болып тағайындалды,- деп хабарлайды Қазгидромет баспасөз қызметі.

Дүниежүзілік метеорологиялық ұйымның (ДМҰ) құрамына кіретін 192 елдің ішінде Данара  Әлімбаева осындай ұйымды басқаратын нәзік жандардың бірі. 

Данара Қизатқызы Әлімбаева 1977 жылы 8 тамызда дүниеге келген, «метеорология» және «қаржы» мамандықтары бойынша екі жоғары білімі, сондай-ақ «қолданбалы экология» бағыты бойынша магистр дәрежесі бар. 

Еңбек жолын 2002 жылы «Қазгидромет» РМК-да техник-метеоролог лауазымынан бастады. 
2003-2009 жж. инженер-метеоролог, 1 санатты инженер-метеоролог, жетекші инженер метеоролог, Метеорология басқармасының басшысы болды. 
2011-2015 жж. Метеорология департаментінің директоры.
 2015-2017 жж. Экологиялық мониторинг департаментінің директоры лауазымында қызмет атқарды.
2017 жылғы 18 қыркүйектен бастап «Қазгидромет» РМК Бас директорының орынбасары болған.