Алматыда коронавируске байланысты 500 адамға іздеу салынуда
Алматы қалалық Тауарлар мен көрсетілетін қызметтердің сапасы мен қауіпсіздігін бақылау департаментінің бастығы Айзат Молдағасымова коронавирус инфекциясын жұқтырғандармен бірге болған 500-ге жуық адамды ҰҚК мен полиция іздестіріп жатқаны туралы ақпарат берді.
«488 адам – бұлар санаттар бойынша бақылауға алынатын адамдар. Олардың барлығы коронавирусты жұқтырғандармен немесе күдік келтірілгендермен байланыста болды дегенді білдірмейді », – деп түсіндірді Айзат Молдағасымова.
Бұл адамдар науқастармен байланыста болмаған және оқшауланбайды. Соған қарамастан оларды іздестіру және медициналық бақылауға алу жұмыстары жалғастырылуда.
Дерт анықталған елдерден 10 ақпаннан бері елімізге келіп жатқан адамдарды медицина қызметкерлері қадағалап, катаралды белгілер байқалған жағдайда қадағалауға алады.
Молдағасымова сонымен қатар коронавирус жұқтырғандармен байланыста болған адамдармен жүргізіліп жатқан жұмыстар туралы да айтты.
«Коронавирус инфекциясы оң нәтиже берген Германиядан 68 адам келді. Олармен оқшаулау бойынша жұмыстары жүргізілуде », – деді Айзат Молдағасымова.
