26 наурыздан бастап, Алматы қаласында қоғамдық көлік 19:00-ге дейін ғана жұмыс істейді ,-деп хабарлады Алматы әкімдігінің телеграмм каналы.
Қоғамдық көлік жұмысының мониторингі мен талдауы бойынша жолаушылардың саны 70%-ға төмендегенін көрсетті. Осыған байланысты төтенше жағдай режимін қамтамасыз ету жөніндегі Алматының жедел штабы қоғамдық көліктер мен метроның жұмыс уақытын қысқарту туралы шешім қабылдады. Сонымен қатар, қаладағы қоғамдық көлік сағат 06:00 мен 19:00 арасында жұмыс істейді.
Айта кетейік, бұған дейін жолаушылар саны айтарлықтай төмендеуіне қарамастан, қала тұрғындарының еркін қозғалуы үшін автобустар жоспарлы 95% штаттық режимде жұмыс істеуін жалғастырды.
