Төтенше жағдай кезінде қылмыс саны азайды

Алматы облысы Полиция департаментінің ақпаратына сәйкес, елімізде төтенше жағдай жарияланғаннан бері өңірдегі қылмыстар саны 40,7 пайызға төмендеді,- деп хабарлайды Polisia.kz сайты.

Нақты айтқанда, қылмыстық құқық бұзудың барлық түрлерінде төмендеу байқалады. 

Оның ішінде:

 – кісі тонау – 36, 8%; 

– бұзақылық – 31,25%; 

– өзгенің мүлкін ұрлау -56,7%;

 – зорлау -33,3%; 

– мал ұрлығы -25,5 %; 

– денсаулыққа қасақана ауыр зиян келтіру– 21,8%;

 – өзгенің көлігін айдап кету – 22,2% және т.б. 

Сонымен қатар, төтенше жағдай енгізілгелі бері облыс аумағында кісі өлтіру немесе қарақшылық шабуыл сынды ауыр қылмыстар тіркелмегенін атап өту қажет. 

Алматы қаласына кіре берістерге 17 блок-бекет қойылған.

Блок-бекеттердің негізгі міндеті – қоғамдық қауіпсіздікті қамтамасыз ету, сондай-ақ, короновирус індетінің таралуының алдын алу.