Төтенше жағдай кезінде азық-түлік пен тұрмыстық заттар жиынтығын алушылардың тізімі кеңейтілді,-деп хабарлайды Мемлекеттік комиссияның шұғыл штабы.
Азық-түлік пен тұрмыстық заттар жиынтығын келесі азаматтар алады:
• атаулы әлеуметтік көмек алушылар қатарынан 6 жастан 18 жасқа дейінгі балалар;
• медициналық-әлеуметтік мекемелерде тұрақты тұратын мүгедектерді қоспағанда, 16 жасқа дейінгі мүмкіндіктері шектеулі балалар;
• медициналық-әлеуметтік мекемелерде тұрақты тұратын мүгедектерді қоспағанда, барлық жастағы I, II, III топтағы мүгедектер;
• мүмкіндігі шектеулі баланы тәрбиелеушілер;
• жұмыспен қамту мәселелері бойынша жергілікті органда тіркелген жұмыссыз азаматтар.
Аталған көмек түрін алушылардың тізімін жергілікті атқарушы органдар жасайды.
