Қ.Тоқаев: Төтенше жағдай режимін сәуірдің аяғына дейін созуға тура келді
Жарияланды
Нұр-Сұлтан, Алматы, Шымкент қалалары
Төтенше жағдай режимін, кем дегенде, сәуірдің аяғына дейін созуға тура келетіні қазірдің өзінде түсінікті болып отыр. Біз коронавируспен ауырудың шарықтау шегін әлі өткізген жоқпыз. Індетке қатысты жағдайды жеңілдетуге болмайды. Бұл туралы ҚР Президенті Қасым-Жомарт Тоқаев мәлімдеді деп жазады akorda.kz.
«Осы себепке байланысты карантин режимін елордада, Алматы мен Шымкентте және тиісті облыстарда сәуірдің аяғына дейін созуды тапсырамын. Мұның оңтайлы шешім емес екенін түсінемін. Өйткені халық көшеге шығып, қалыпты тұрмысын жалғастырғысы келеді. Бірақ карантин режимін сақтаудан, оқшауланудан басқа жол жоқ. Бұл отандық және халықаралық вирусолог мамандардың ұсынысы», – деді Тоқаев.
