Карантин кезінде жазасын өтеген сотталғандар қалай босатылады
Төтенше жағдай кезінде жазасын өтеген сотталғандар қалай босатылады
Шығыс Қазақстан облысы бойынша ҚАЖД пробация қызметтерінің басшылық ету бөлімінің басшысы осы мәселе бойынша жауап берді, – деп хабарлайды Polisia.kz сайты.
Әрбір сотталған үшін босату күні ерекше және көптен күткен болып табылады. Бірақ, кей кездерде жазасын өтеген сотталғандарды түзеу мекемелерінен туыстары қарсы ала алмайды. Мұндай жағдайларда колония мен түрме қызметкерлері тұрғылықты жеріне жетуге көмектеседі.
Төтенше жағдай режимі кезінде Шығыс Қазақстан облысы бойынша ҚАЖ Департаменті ОВ-156/6 мекемесінен екі сотталған босатылды. Мекеме қызметкерлерінің айтуынша, босатылып шыққан сотталғандарға ҚАЖ комитетінің нұсқауына сәйкес тұрғылықты жеріне дейін әрі қарай жол жүру үшін бағыттық парақтар, сондай – ақ, көп рет қолданылатын маскалар, қолғаптар мен антисептикалық құралдарды берді.
«Қазіргі уақытта төтенше жағдайдың режиміне байланысты барлық қызметтер арнайы шаралар бойынша, жұмыс істейді. Қалалар мен облыстардың Полиция департаменттерінің басқа да қызметтерімен өзара іс-қимыл жасалып жатыр. Бізбарлық қажетті шараларды қабылдадық», – деді ШҚО бойынша ҚАЖД пробация қызметтерінің басшылық ету бөлімінің басшысы Олжас Жакияров.
