Алматы қаласының әкімі Бақытжан Сағынтаев әлеуметтік осал топтарға коммуналдық төлемдерді төлеуге көмек көрсетілетінін айтты. Бұл туралы Алматы әкімдігінің баспасөз қызметі хабарлады.
Мемлекеттік комиссияның шешімімен халықтың әлеуметтік осал топтарына екі ай 15 мың теңге бөлінеді.
«Егер жеке шотқа 20 мың теңгеге келсе, оның 15 мыңын мемлекет жабады. Қалған бес мың теңгені өздері төлеуі керек. Бұл қолдау халықтың әлеуметтік әлсіз топтарына ғана көрсетілетін болады», – деді Алматы әкімі.
