Алматы облысында төрт адамнан тұратын аңшылар тобы ұсталды, – деп хабарлайды Polisia.kz сайты.
Полицейлер қырғауылды заңсыз аулаған төрт ер адамды қолға түсірді. Олар атып алынған қырғауылдан сорпа жасап, тамақтану кезінде ұсталған.
Аңшылар полиция қызметкерлері мен «Бүркіт-163» патрульдік экипажының бірлескен рейдтік іс-шарасы барысында ұсталды.
Күдіктілердің төртеуі де жергілікті тұрғындар. Олардың бірінен 12 калибрлі аңшы мылтығы тәркіленді.
Ұсталған адамдар төтенше жағдай кезінде аң аулағандарын және карантин ережелерін бұзғанын толық мойындады.
