Көліктегі Бас мемлекеттік санитарлық дәрігердің қаулысына сәйкес 2020 жылдың 11 мамырынан бастап жолаушылар, әуежайлар қызметінің қызметкерлері және әуе кемелерінің экипаждары үшін Covid-19 ПТР талдаудан міндетті түрде өту талабы алынып тасталды. Бұл туралы ҚР Индустрия және инфрақұрылымдық даму министрлігі хабарлады.
Ағымдағы жылдың 1-10 мамыры аралығында әуе жолаушылар, әуежайлардың қосалқы қызметтерінің қызметкерлері және әуе кемелерінің экипаждары арасында жүргізілген мониторинг нәтижелері бойынша коронавирустық инфекция жағдайлары тіркелмеген.
