Еліміздің барлық оқу орындары қашықтан білім беруін жалғастыра береді

Ел Президентінің тапсырмасы бойынша барлық оқу орындары қашықтан білім беру режимінде жұмыс істеуді жалғастырады. Бұл туралы Мемлекеттік комиссияның шұғыл штабы хабарлады. 

«Бұл мәселе шешілді, оқытушылардың оқушылармен, студенттермен және ата-аналармен жұмыс істеу алгоритмі әзірленді. Кейбір мәселелер бар, бірақ олар өзара іс-қимыл барысында шешіледі. Қазіргі заманғы оқыту әдістерін игеруді одан әрі жалғастырамыз», – деп хабарлады Вице-премьер Ералы Тоғжанов.