Жапонияда Қазақстан астанасының құрметіне жаңа «Нұр-Сұлтан» атты сакура сұрыпы шығарылды. Бұл туралы Қазақстан Сыртқы істер министірлігінің телеграм каналы хабарлады.
Хоккайдо аралында Қазақстан астанасының құрметіне «Нұр-Сұлтан» деп аталатын сакураның жаңа сұрыпы гүлдеді.
Жаңа сұрыпты Хоккайдо префектурасының Орман шаруашылығы ғылыми-зерттеу институты шығарды.
«Нұр-Сұлтан» сакурасының ерекшелігі минус 40 градусқа дейін аязға төзімділік – бұл астанамыздың ауа-райы жағдайларына бейімделу үшін ең қажет сипаттамалардың бірі.
