Алматыда эпидемиологиялық жағдай тұрақталды
Бұл туралы Алматы қаласы әкімдігінің баспасөз орталығында өткен онлайн-брифингте қоғамдық денсаулық Басқарма басшысы Тілеухан Әбілдаев мәлімдеді. Бұл туралы Алматы әкімдігінің телеграм каналы хабарлады.
Тілеухан Әбілдаевтың айтуынша, соңғы күндері Covid-19 вирусына оң нәтижелер тек карантиндегі адамдардан анықталғанын, сондай-ақ, жаңа жұқтыру ошақтары тіркелмеген.
«Аталған жағдайлардың барлығы провизорлық госпитальдарда карантинде болған адамдардан анықталды. Бұған дейін олар вирус жұқтырған адамдармен байланыста болған. Қазіргі уақытта Алматыда коронавирус індеті бойынша жағдай тұрақталды», — деді Т. Шілдебайұлы.
Мегаполисте жалпы вирус жұқтырғандар ішінен сауығып шыққан емделушілер саны бүгінгі күні 29,0%-ды, ал үй карантиніне шығарылғандарды есепке алғанда 33%-ды құрайды.
