Парламент әйелдерге арналған сайлау квотасы туралы түзетулерді қабылдады

21 мамырда палатаның жалпы отырысында Парламент Сенатының депутаттары «Қазақстан Республикасындағы сайлау туралы» Конституциялық заңға өзгерістер енгізу туралы» заң жобасын мақұлдады. Осылайша, заң мемлекет басшысының қол қоюына жіберілді. Бұл құжатта партиялардың сайлау тізімінде әйелдер мен жастар үшін 30 пайыздық міндетті квота ұсынылды.

«Жоба президенттің қоғамдық сенім ұлттық кеңесінің екінші отырысында берген тапсырмасын жүзеге асыру мақсатында әзірленді. Заң жобасы партиялардың сайлау тізімінде әйелдер мен жастарға арналған 30 пайыздық квотаны қарастыруды ұсынады. Осы мақсатта сайлау туралы Конституциялық заңда әйелдер мен жастарға арналған квоталарды партиялық тізімге енгізу туралы талап көзделген», – деді заң жобасын таныстырған әділет вице-министрі Наталья Пан.

 

Партиялық гендерлік квоталар еуропа елдерінде – оның ішінде Германия, Норвегия, Франция және Бельгияда қолданылады.