Коронавирустың таралуына жол бермеу жөніндегі ВАК шешімімен, 1 маусымнан бастап Қазақстандықтар Оңтүстік Кореяға, Қытайға, Әзербайжанға саяхаттауға болатыны туралы шешім шығарған. Ал, 15 маусымнан кейін, Германия, Біріккен Араб Әмірліктері , Чехия, Тайланд, Венгрия және Түркияға баруға болатыны жайлы ҚР индустрия және инфрақұрылымдық даму министрі Бейбіт Атамқұлов есеп беру кездесуінде мәлімдеді.
Министр бұл елдерді бірінші таңдаудың мақсаты- коронавирус індетінің таралу деңгейімен есептеліп отырғандығын айтты.
« Келесі этап-Германия, Араб Әмірлігі, Чехия, Тайланд болады. Сосын Польша мен Венгрияны да қосып отырмыз. 15 маусымнан кейін біз індет таралу жағынан қауіпсіз аймақ ретінде Туркияның Антальясына рейс ашуды жоспарлап отырмыз. Түріктер 20 маусымға қызығушылық танытып отыр. Қазір осы датаға келіссөз жүргізіп жатырмыз»-деді Атамқұлов
