Қырғызстаннан Қазақстан мен Ресейге 79 163 автокөлік құралы тасымалданған

Бір жарым жыл ішінде (2019 жылғы қаңтар – 2020 жылғы маусым) Қырғызстаннан Қазақстан мен Ресейге 79 163 автокөлік құралы тасымалданды (кедендік бақылаудағы транзитті есепке алмағанда). Бұл туралы ҚР ҚМ Мемлекеттік кірістер комитетінің баспасөз қызметі хабарлады. 
⠀
Жүргізілген мониторинг нәтижесінде 2,1 млрд. теңге сомасына қосымша салық есебі тапсырылған.
⠀
Тауар-көлік жүкқұжаттарында көрсетілген мәліметтерге  тауардың сай келуіне ерекше назар аударылады. Қырғызстаннан келе жатқан автомашиналарға жасалған 1547 тақырыптық салықтық тексерулердің 1505 жағдайында бұзушылықтар анықталды (98%).
⠀
Қырғызстанның экпорты мен Қазақстанның импорты туралы деректер айтарлықтай алшақтық көрсетті: Қырғызстанның цифрлары 10 есеге төмен. Олардың ақпараты бойынша 2019 жылдың 9 айында Қазақстанға экспорт 18 млрд. теңгені, ал біздің деректер бойынша – 186 млрд теңгені құрады. Құнды төмендету және жалған транзит фактілерін ескерсек, сәйкессіздіктер одан да көп болады.