Алматының бас санитарлық дәрігері Жандарбек Бекшин коронавирус жұқтырды. Бұл туралы қалалық Тауарлар мен қызметтер сапасын және қауіпсіздігін бақылау департаменті хабарлады.
«Алматы қаласының бас мемлекеттік санитарлық дәрігері Жандарбек Мұхтарұлы Бекшин коронавирусқа тест тапсырды. COVID-19 расталды. Қазір ол кісі үй карантинінде. Ауру симптомсыз, жеңіл түрде өтіп жатыр. Денсаулығы қанағаттанарлық. Қашықтан жұмыс жасауды жалғастырады»,– делінген хабарламада.
