42 500 теңге әлеуметтік көмекті кімдер ала алады?
Үкімет басшысы Асқар Мамин атаулы әлеуметтік көмекті қолда бар деректер негізінде алдын ала жүргізуді тапсырды. Бұл туралы primeminister.kz хабарлады.
«Мемлекет басшысының тапсырмасы бойынша шектеу шаралары кезеңінде табысынан айрылуы бойынша әлеуметтік жәрдемақы – ең төменгі жалақы мөлшеріндегі 42 500 теңгені бір айға төлеу туралы шешім қабылдап отырмыз. Төлем карантин шараларының күшейтілуіне байланысты жұмысы шектелген жұмыс берушілердің, жеке кәсіпкерлер мен өзін-өзі жұмыспен қамтығандардың өтінімі негізінде жүргізіледі. Төтенше жағдай кезіндегідей, азаматтардың жекелеген санаттарына азық-түлік өнімдерін алуға ақшалай көмек беруді жалғастыруды. Бұл – 1 миллионнан астам адам», – деді Асқар Мамин.
Асқар Мамин атаулы әлеуметтік көмекті тағайындауды қолда бар деректер негізінде (128 мыңға жуық отбасы) алдын ала жүргізуді тапсырды.
«Мүгедектігін қайта куәландыру мерзімі карантин кезеңіне тап келген адамдардың (шамамен 30 мың адам) мүгедектігін үш айға автоматты түрде ұзартуды тапсырамын», – деді Үкімет басшысы.
