Қостанай облысында өрттен екі бала қайтыс болды

Денисов ауданында жан түршігерлік қайғылы оқиға болды. Өрт кезінде екі кішкентай бала қайтыс болды: 2016 жылы туған қыз және 2018 жылы туылған бала, деп хабарлайды alau.kz.

Қостанай облысында  Фрунзенское ауылында өрт шықты. Қостанай облысының Төтенше жағдайлар департаменті ата-аналар көршілес Аятское ауылына тамақ ішуге кеткенін хабарлады. Балаларды сыртынан жауып кеткен. Ересектер екі сағаттай үде болмаған. Ата-аналары үйге қайтып оралғанда есіктен түтіннің өткір иісі шыққан.

 «Олар бөлмеге жүгіріп кірді, алдымен ұлын, содан кейін қызын алып шықты. Фельдшерлік пункттен медициналық қызметкерлер дереу шақырылды, олар сонымен қатар ерікті өрт сөндіру қызметі бар «Фрунзенское» ЖШС-не хабарлады. Өкінішке орай олар есін жимастан қайтыс болды», – деді Азамат Оримбаев, Қостанай облысы ТЖД бастығының орынбасары.

Өрттің алдын-ала себебі ТЖМ-де хабарланғандай, баланың еркелігі. Болжам бойынша, балалар жатын бөлмесінде сіріңкемен ойнаған, өрт шыққан кезде олар қорқып, басқа бөлмеге қашып кетіп, сол жерде көмірқышқыл газына тұншығып өлген. Әкесі жергілікті серіктестікте механизатор болып жұмыс істеген, ал анасы үй шаруасындағы әйел болған деген мәліметтер бар. 

Қостанай облысында жыл басынан бері өртте 4 бала қайтыс болды. Құтқарушылар қауіпсіздік шараларын сақтауға және балаларды қараусыз қалдырмауға шақырады.