Теңге тағы құнсызданып барады
Қаңтар айының соңғы күндері ұлттық валюта үшін оңай болмай тұр. Қазір 1 АҚШ долларының құны 424 теңгеге жетті. Осы орайда Ұлттық Банктің Монетарлық операциялар департаментінің директоры Нұржан Тұрсынханов теңге бағамына жасалған қысым жайында айтып берді.
28 қаңтардағы сауда-саттық қорытындысы бойынша, теңгенің АҚШ долларына қатысты бағамы (-)0,84%-ға әлсіреп, жабылу кезінде 424 теңге деңгейінде қалыптасты. ҰБ өкілінің айтуынша, теңге бағамының қазіргі серпіні әлемдік нарықтардың жалпы жай-күйін байқатады.
Вакцинацияның дамуына қарамастан, коронавирус пандемиясы әлемдік экономикаға үлкен қауіп төндіріп тұр. Covid-19-дың жаңа штаммының таралуы, сондай-ақ вакциналарды жеткізуге және оларды тасымалдау жағдайларына байланысты проблемалар ұзақ локдаундардың қайталануын жоққа шығармайды.
«Әлемдік экономиканың қалпына келуіне байланысты инвесторлар көңіл-күйінің нашарлауы шикізат нарықтарында тікелей көрініс береді. Қаңтардың басында жарияланған Сауд Арабиясының ақпан-наурызда мұнай өндіруді тәулігіне 1 млн баррельге төмендету туралы шешіміне қарамастан, COVID-19 ауруының жоғары болуы және оған байланысты қолданыстағы шектеулер мұнай бағасын белгілеуге қысым көрсетіп келеді. Қытай билігі тұрғындарға жылдың ең белсенді туристік маусымы болып табылатын Жаңа жылды мерекелеу кезінде қозғалысты шектеуге кеңес береді. Bloomberg деректері бойынша, өткен аптада Қытайдағы автомобиль тасымалының көлемі өткен жылдардың ұқсас кезеңімен салыстырғанда 75%-ға қысқарды» дейді Нұржан Тұрсынханов.
Жалпы алғанда, ай басында бір баррелі $56,58 жеткен Brent сұрыпты мұнай бағасының өсу кезеңінен кейін қаржы нарықтарындағы өсімге және белгісіздікке қатысты қосымша ынталандырудың болмауына байланысты төмендеу орын алғанын байқалады.
«АҚШ экономикасын ынталандырудың жаңа топтамасын наурыздың ортасына дейін кешіктіру ықтималдығы туралы хабар тәуекел активтеріне жалпы теріс әсерін тигізді. Нарығы дамып келе жатқан елдердің көпшілігінде валюталардың теріс серпініне АҚШ доллары бағамының жаһандық нығаюы әсер етеді. Осы аптаның басынан бастап Мексика песосы 2,0%-ға, Ресей рублі 1,4%-ға, Оңтүстік Африка ранды 0,5%-ға әлсіреді. Ресей рублі ерекше тәуекел факторларына ұшырауда, яғни жаңа санкциялар енгізу тәуекелі артты» дейді Монетарлық операциялар департаментінің директоры.
Инвесторлардың тәуекелден бас таруы АҚШ ФРЖ басшысы Дж.Пауэлланың түсіндірулерін де күшейте түсті, ол жеңіл ақша-кредит саясатын ұстанатындығын растап, әлемдегі ең ірі экономикалардың ішіндегі біреуінің сақталып отырған проблемаларын білдіреді. Нәтижесінде АҚШ пен Еуропаның қор индекстерін түзету байқалады. Көптеген дамыған елдердің қор нарықтары құлдырауды көрсетті. Мысалы, аптаның басынан бастап S&P 500 индекстерінің және MSCI World акцияларының жаһандық индексінің төмендеуі тиісінше (-)1,4% және (-)1,65% болды.
Осындай жағдайларда теңге бағамы әлемдік қаржы нарықтарының және мұнай бағасы негізгі факторға жататын іргелі фактордың жалпы конъюнктурасын көрсетеді.
