Трамп қызметінен кеткеннен кейін алғаш рет көпшілік алдында сөйлейді

АҚШ-тың бұрынғы президенті Дональд Трамп айдың соңында Орландода өтетін консервативті саясаткерлер мен белсенділердің (CPAC) жыл сайынғы конференциясында сөз сөйлейді, деп хабарлады РИА Новости  The Hill интернет-порталына сілтеме жасап.

Ол Республикалық партияның және жалпы консервативті қозғалыстың болашағы туралы сөйлеседі деп күтілуде.

Сонымен қатар, Трамп жаңа мемлекет басшысы – демократ Джо Байденнің көші-қон саясатын, атап айтқанда, «апатты рақымшылық пен шекараны бақылау» үшін сынға алуы әбден мүмкін.

Байден қарсаңында Мексикамен шекарада қабырға салуды қаржыландыруды тоқтатты және 2019 жылдан бері жұмыс істеп келе жатқан төтенше жағдай режимін жойды. Бұл Трамптың негізгі бастамаларының бірі болды. Жаңа президент сонымен қатар бірқатар мұсылман елдерінің азаматтарының АҚШ-қа кіруіне қойылған шектеулерді алып тастады.