Әлемнің 2,5 мыңға жуық тілі жойылу қаупі алдында тұр
Әлемнің 2,5 мыңға жуық тіліне жойылу қаупі төніп тұр. Бұл туралы Anadolu агенттігіне ЮНЕСКО жанындағы Түркия ұлттық комиссиясының (UTMK) басқарма төрағасы, профессор Оджал Огуз хабарлады.
«Әлемде 7 мыңға жуық белсенді қолданылатын тіл бар. Олардың ішінде 2500-ге жуық тілге қауіп төніп тұр, өйткені оларды өте шектеулі адамдар ғана қолданады », – деді Огуз.
Оның айтуынша, статистика мен қолда бар мәліметтерге сүйенсек, әлемде әр 15 күнде осы тілдердің бірі жоғалады.
Соңғы онжылдықтарда әлемде болып жатқан әлеуметтік, саяси және экономикалық өзгерістерге байланысты тілдердің жойылу қаупі артты, дейді дереккөз. Қазіргі уақытта 200 тілде сөйлейтін адамдарды табу қиын, ал 1950 жылдан бастап 250-ден астам тіл жоғалып кетті.
«ЮНЕСКО-ның жойылып бара жатқан тілдер атласы осы жағдайды көрсетеді. Жойылу қаупі төнген тілдердің негізгі бөлігі – 10 мыңға жетпейтін адам сөйлейтін тілдер », – деді Оғыз.
