Дүниежүзілік денсаулық сақтау ұйымы алтыншы апта қатарынан бүкіл әлемде коронавирустың жаңа жұқтыру жағдайларының саны мен өлім-жітім көрсеткішінің төмендеу тенденциясының байқалуына байланысты сақтықпен оптимизм білдірді. Алайда сырқаттанушылық деңгейінің жалпы төмендеуіне қарамастан, COVID-19 жаңа штаммдарын жұқтыру санының өсуі дәрігерлердің алаңдаушылығын тудыруда. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.
⠀
Гана кедей мемлекеттер халқын екпемен қамтуға арналған Covax бағдарламасы аясында коронавирустық инфекцияға қарсы вакцина жеткізілген әлемдегі алғашқы ел болды. Үндістанда өндірілген AstraZeneca препаратының 600 мың дозасы сәрсенбіде Аккра қаласына жеткізілді. Алғашқы екпе жұмыстары келесі аптаның басында жасалады деп күтілуде. Ең алдымен, денсаулық сақтау жүйесінің қызметкерлері, 60 жастан асқан адамдар, сондай-ақ созылмалы аурулары бар адамдар қабылдайды.
⠀
АҚШ-тың реттеушілері қайта инъекцияны қажет етпейтін Johnson & Johnson компаниясының COVID-19 қарсы вакцинасын мақұлдауға дайын. Сарапшылардың пікірінше, жаңа вакцина Pfizer және Moderna препараттарына бюджеттік балама болуы мүмкін, өйткені олардан айырмашылығы оны қарапайым тоңазытқышта сақтауға болады.
⠀
Ұлыбритания Премьер-министрі Борис Джонсон жоғарғы сынып оқушыларының қалып қойған оқу материалының есесін толтыру үшін жаз мезгілінде, мұғалімдерімен жеке жұмыс істеуі үшін қосымша қаражат бөлінетінін бөлуге уәде берді. Үкіметтің жаңа бастамасы мектептердің жазғы сабақтарды қашан және қанша уақыт өткізетінін және қай оқушыны мектепке шақыратындығын өздері шеше алатындығын мәлімдеді.
Грузияда коронавирус пандемиясына байланысты енгізілген шектеу шараларын біртіндеп алынып тасталынады. 1 наурыздан бастап Ресей, Армения, Әзірбайжан, Беларусь, Украина және Қазақстан азаматтары ПТР-тестілеудің теріс нәтижесі бар анықтамамен ғана ұшып кете алады.
