Ұлттық Банк төрағасының орынбасары тағайындалды

Мемлекет басшысының бұйрығымен Шолпанқұлов Берік Шолпанқұлұлы Қазақстан Республикасы Ұлттық Банкі Төрағасының орынбасары болып тағайындалды. Бұл туралы Ақорданың баспасөз қызметі хабарлады.

Берік Шолпанқұлов 1976 жылы Алматы облысында дүниеге келген.

1996 ж. – Қазақ мемлекеттік аграрлық университетін «экономист-бухгалтер» мамандығы бойынша бітірген. 2016 ж. – Қазақстан Республикасы Тұңғыш Президенті атындағы ұлттық қорғаныс университетін «әскери және мемлекеттік басқару» мамандығы бойынша тәмамдаған.

Еңбек жолын 1996 жылы Қазақстан Республикасы Қаржы министрлігі жанындағы Қазынашылықтың қолма-қол ақшамен және мемлекеттік қарызды басқару бөлімінің қолма-қол ақшаны басқару бөлімінің қазынашысы болып бастаған. 2019 жылдан бастап Қазақстан Республикасы Қаржы Бірінші вице-министрі болып қызмет етті. Ол үйленген және екі ұлы бар.