Соңғы бірнеше күн ішінде Ливия жағалауында 170-тен астам заңсыз мигрант суға батып кетуі мүмкін. Бұл туралы Анадолу сайты хабарлады.
Бұл туралы Халықаралық көші-қон ұйымының (ХКҰ) өкілі Сафа Мсехли Женевада өткен баспасөз конференциясында мәлімдеді.
Ол өткен күні ХКҰ Жерорта теңізін қайықтармен өтіп, Еуропа елдеріне жетуге тырысқан кем дегенде 100 заңсыз мигранттың өлімі туралы хабарлағанын еске алды.
Мсехлидің айтуынша, соңғы күндері Ливия жағалауларынан мигранттары бар кем дегенде үш үрлемелі қайық жүзіп өткен, олардың бірін Ливия жағалау күзеті қайтарған, бірақ онда болған екі адам қаза тапқан.
ХҚҰ өкілі 130 заңсыз иммигрант болған екінші қайық суға батқанын еске түсірді. Болжам бойынша, тірі қалғандар жоқ.
SOS Mediterranee құқық қорғау ұйымына тиесілі Ocean Viking кемесінің экипажы трагедия аймағында кемінде он адамның денесін тапты.
Мсехлидің айтуынша, 40 мигранты бар үшінші үрлемелі қайық та жоғалып кетті және ХКҰ ондағы адамдар өліп қалуы мүмкін деп қорқады.
Халықаралық ұйым өкілі биыл Жерорта теңізінде 2020 жылдың сәйкес кезеңімен салыстырғанда үш есе көп мигрант қайтыс болғанын айтты.
