Сингапурде осы аптада 12 жастан асқан оқушыларға екпе салу басталады

 Испанияның туристік орындары карантинді жеңілдетуді бастады.Майорка аралында 7 ай бойы әрекет еткен коменданттық сағат тоқтатылды. Сонымен қатар ашық ауада 15 адамға дейін, ал жабық жерлерде 10 адамға дейін кездесуге рұқсат етіледі. Бұдан бөлек, жағажайларды қоспағанда, көшеде маскаларды міндетті түрде кию талабы күшінде қалады. Жаңа ережелер әзірге 20 маусымға дейін рұқсат етілген. Бұл туралы ҚР Үкіметі Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.

Еуропада жасөспірімдерді коронавирустық инфекцияға қарсы иммундауға рұқсат етілді. Еуроодақ елдері 12 жастан асқан балаларды Covid-19-ға қарсы вакцинациялауды бастауы мүмкін. Бұл бағытта Biontech/Pfizer препаратын қолдану ұсынылады. Еуропалық комиссия Еуропалық дәрілік заттар агенттігінің (EMA) шешімін растай отырып рұқсат берді. 

Тұманды Альбион коронавирустың «үнділік» нұсқасының салдарынан пандемияның үшінші толқынының алдында тұр.  Кембридж университетінің клиникалық микробиология профессоры Рави Гуптаның айтуынша, Үндістанда алғаш рет анықталған B. 1.617.2 коронавирус мутациясы вакцинация науқанының сәтті болуына және аурудың төмендеуіне қарамастан Ұлыбританиядағы эпидемиологиялық жағдайға қауіп төндіруі мүмкін.

Сингапур Сovid-19 таралу қарқынын төмендету үшін балаларды вакциналауды бастамақ. Осы аптада 12 жастан асқан оқушыларға екпе салу басталады, – деп хабарлады Премьер-министр Ли Сянь Лун. 1 маусымнан бастап оқушылар вакцина салдыруға алдын ала жазылып, 3 маусымнан ала бастайды. Оқушыларды иммундаудан кейін вакцинация 39 жасқа дейінгі басқа тұрғындар үшін қол жетімді болады.

Германияда халықтың 43%-і немесе 35,75 миллион адам Сovid-19-ға қарсы кем дегенде вакцинаның  бірінші компонентін алды. Тұрғындардың 17,7% – і немесе 14,6 миллион адам екпенің екі компонентін де салдырған. Роберт Кох институтының мәліметі бойынша Германияда бір күн бұрын 270 927 адам вакцина салдырған.  Германияда екпе егу 2020 жылдың желтоқсан айының соңында басталды. Қазіргі уақытта BioNTech/Pfizer, AstraZeneca, Moderna және Johnson & Johnson вакциналары қолданыста.

Коронавирустың таралуына қарсы тұру үшін Вьетнам билігі әуе жолдарын жауып тастады. Өйткені мамыр айынан бастап елде COVID-19 ауруының таралуы қарқын ала  бастады. 7 маусымнан бастап басқа елдердің ұшақтарына ел астанасы Ханой қаласына қонуға тыйым салынады. Сонымен қатар, Ханой халықаралық әуежайынан ұшуға тыйым салынбайды. 3 маусымнан бастап Вьетнамда елдің ең ірі қаласы Хошиминге халықаралық рейстерге тыйым салынады. 

Қытай, сонымен қатар, елдің оңтүстігіндегі коронавирустың өршуі кезінде Гуанчжоу халықаралық әуежайында жүздеген рейстер тоқтатылады. Жақында 500-ден астам ұшу тоқтатылды. Гуанчжоу әуежайы-әлемдегі ең ірі әуежайлардың бірі. Пандемияға қарамастан 2020 жылы ол арқылы 43,8 миллион авиажолаушы өтті. 

Токиодағы Олимпиада ойындары карантиндік шараларды сақтай отырып өтеді. Ұйымдастырушылар көрермендерден коронавирусқа теріс ПТР тестілерін ұсынуды талап етуді жоспарлап отыр, вакцинациядан өткендерді қоспағанда. Тесттер тегін жасалуы керек деп ақпарат таратылды.