АҚШ туристер үшін карантиндік шараларды жеңілдетуде. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК хабарлады.
Ауруларды бақылау және олардың алдын алу орталығы (CDC) бірқатар елдерге, соның ішінде Еуропалық Одақ пен Ресейге баратын саяхатшылар үшін қатаң шектеулерді алып тастайды. Германия мен Ресей үшін шектеулер деңгейі сапардан толық бас тартуды қамтамасыз ететін төртінші деңгейден, елге тек толық вакцинацияланған жағдайда ғана сапар шегуді көздейтін үшінші деңгейге дейін төмендеді. Шектеулердің үшінші деңгейі қазір Франция, Эквадор, Филиппин, Оңтүстік Африка, Канада, Мексика, Испания, Швейцария, Түркия, Украина, Гондурас, Венгрия, Италия, Греция, Жапония сияқты елдер үшін жарамды.
