Қаржы министрлігі 139,2 млрд теңгеге ұзақ мерзімді мемлекеттік бағалы қағаздар орналастырды
Жарияланды
Маусым айында 11 облигация орналтырылған
2021 жылғы маусымда Қазақстан Республикасының Қаржы министрлігі 139,2 млрд теңгеге ұзақ мерзімді (МЕУКАМ) мемлекеттік бағалы қағаз орналастырған.
Ұлттық банк мәліметі бойынша, маусымда барлығы 11 облигация шығарылып, онда 2 жылдан 14 жылға дейін өтеу мерзімі бар мемлекеттік бағалы қағаздар орналастырылды. Олардың орташа кірістілігі жылдық 9,60%-дан 10,70% дейін.
Қаржы министрлігінің айналымдағы бағалы қағаздарының көлемі 2021 жылғы маусымда 1,1%-ға артып, 9 994,9 млрд теңгеге жеткен.
Маусымның соңында кірістілік қисығы 4 жылға дейінгі сегментте кірістіліктің төмендегенін көрсетті, бұл ретте 4 жылдан асатын сегментте 2021 жылғы мамырдың соңындағы деңгеймен салыстырғанда кірістіліктің артуы байқалады.
