Индонезия 14 қазаннан бастап Балиді кейбір туристер үшін қайта ашады, деп мәлімдеді министрлер кабинетінің аға министрі Лухут Панждайтан. Бұл туралы Reuters хабарлады.
«Туристер келгеннен кейін сегіз күн карантинде болады»,- деді министр.
Сондай -ақ, кейбір бұқаралық ақпарат құралдары аралға тек толық вакцинацияланған саяхатшылар жіберілетінін жазады.
Қай елдердің азаматтары Балиге тағы да бара алатыны әзірге белгісіз. Аралға Қытайдан, Жаңа Зеландиядан және Жапониядан туристерді жіберетіні белгілі.
Естеріңізге сала кетейік, Бали коронавирустық пандемияға байланысты туристерге бір жылдан астам уақыт бойы жабық. Индонезия үкіметі эпидемиологиялық жағдайдың нашарлауына байланысты саяхатшыларға аралдың ашылуын бірнеше рет кейінге қалдырды.
Наурызда Индонезия билігі Бали аралында халықаралық туризмді қайта бастау шарттары мен мүмкін болатын мерзімдерін жариялады. Содан кейін елдің Денсаулық сақтау министрлігі шекараның ашылуына асықпауға шақырды және бір жылға арналған туризмді қайта бастаудың жеке кезеңдік жоспарын ұсынды.
