Бюджеттің кіріс бөлігін арттыру үшін мүлік салығы көтеріледі. Бұл туралы 24.kg сайты парламент депутаты Дастан Бекешевтің мәлімдемесіне сілтеме жасап хабарлады.
Оның айтуынша, Жогорку Кенеш 2021 жылға арналған бюджетке түзетулер мен 2022 жылға арналған бюджет жобасын бірінші оқылымда мақұлдады. Алға қойған ауқымды жоспарлар орындалмады. Егер мұғалімдердің, дәрігерлердің, мәдениет қызметкерлерінің жалақысын 2022 жылдың сәуіріне дейін көтеруге уәде берсе, онда бұл шығындар бюджеттің өзінде жоқ.
«Біз 400 миллиард сомдық бюджетті қабылдай алмадық. Ондай табыс жоқ. Бірақ кірісті 90 миллиард сомға арттыру міндеті тұр. Ол үшін мүлікке, қозғалтқышының көлемі 3 текше метрден асатын көліктерге, тұрғын үйге салынатын салықты көбейтеді. Қытайдан келетін жүк тасымалы ұлғаяды, сонымен қатар әкімшілендіруді жақсарту есебінен салық жинау да артады », – деді Дастан Бекешев.
