Француз әйелі түрмеден төсек жаймасынан арқан жасап қашпақ болған

Францияның мегаполис аймағында терроризм үшін сотталған әйел түрмеден қашпақ болды, деп хабарлайды РИА Новости  Parisien газетіне сілтеме жасап.

Хабарланғандай, жексенбі күні таңертең Фреснес қаласындағы (Валь-де-Марн департаменті) түрмедегі тұтқын камера қабырғасын тесіп, жайма арқанмен үшінші қабаттан төмен түсіп үлгерген. Қарапайым құралдарды пайдаланып қашуды дайындауға бірнеше күн қажет болды.

Қашқын түрме кешені аумағындағы қозғалыс датчиктерінің арқасында табылып, ұсталды.

Түрме әкімшілігі оқиғаға байланысты әйелдер блогындағы басқа камераларды тексеріп жатыр.

BFMTV арнасының хабарлауынша, тұтқын радикалданған және Сирияда біраз уақыт болған Франция азаматы.